Manchester United kum 17 sunga a thumveina dingin Champions League ah Knock out stage tungzo lo uh hi.Thumvei bang European Champion na hi khin sam uh hi.Season masa a Champions league finalist leh Premier League defending champion ahiMan Utd ten Swiss club zo lo uh hi. Sankt Jakob-Park kimawl tualah a siam leh siam loh uh zong a kiza ngei meel loSwiss Club ten hong zawh mawk uh pen lamdang peuhmah hi. Group C pan Benfica ten Otelul goal khat in zo uh ahih manin Benfica leh Basel te knock out stage ah lutzo uh hi.

A goal khatveina bel kungpang pa khialhna kici thei phia hi,De Gea in ball sawn out lo in na sawn pial kha mawk aihciang a. Tua lai tak  9 mins hi pan in Streller  in Basel ading goal na thun thei hi.United lam ten zong tha saan mah mah uh a, Rooney leh Park bang a mainawt lamah hong koih uh hi. Young leh Nani te zong a kil langkhat tuak ah hong tai uh hi. A laiah Phil Jones leh Giggs cihdan in panmun hoih takin hong gual sam uh hi.Ahizong in daupai zolo uh ahih manun Chance hoih pi pi hong khahsuah uh hi. Rooney bangin  goal line nangawn pan sui goal lo mawk hi. First half laitak Vidic in a khuk nasak kha ahih manin sui zawm thei lo laideep hi.

Second half ciang ciang in zong united ten lel lua nai lo uh hi.Ahizongin Basel te mah kam nei zaw veve mawk uh ahih manin United ten ball a tan khak naak uleh bawh huan lian lian thei vanglak uh hi.A lai ah taisuak a haksat nangin omkhawm siam uh ahihmanin United te adingin nawk haksa mah mah hi.United ten a hih theih zah un tha saan mah le uh 84 mins A Frei in head goal thong hi.Hih pen a tak takin cileng defender ki cinzohlohna hi, Smalling in Frei na mark khin mawk aihciang a.Hun lah tawm ta in 89 mins cianginJones set piece pan goal thun kik hi.Minute thumb el piakbeh veuvau sam uh hiven,United ten thun zo tuan lo uh hi.Ni kum lam a champions league finalist leh Premier League champion Man Utd te Champions league Group stage a tungzo lo uh hong suak.

Man Utd ten Basel lam a goal thun sawmin 11 vei shot uh hi.Basel ten united lamah 6 vei bek shot uh hi. United ten  Basel goal mouth ah 10 vei bang na shot uh a,Basel ten 4 vei bek shot thei mah le uh 2 vei bang lut hi.United ten corner 7 vei ngah uh a,Basel ten 2 vei bek ngah uh hi.Ngaihsutna khatah united ten zo le uh kilawm tawh kibang hi.Ahizongin Basel te hangsan banah a game uh khel themthum lo uh ahihmanin gualzo thei uh hi.

United ten midfielder hoih a neihloh uh siatpih uh hi. Ferdinand zong thakia pian ta tawh kibang. Johny Evans zong  defender hoihlua na hi kei mawk ei. Ferguson-i’n experiance player  Berbatov pai khia a, Hernandez a zat pen gual lelpih hi mai. Berbatov tawldam sak in Hernandez lah na liam sawn sawn zaw lai hi. Ferguson-i’n “player thak kitangsam kei ung” a cih pen man zo lo tawh kibang.Basel te hong gualzawh mawk uh pen lamdang kisa tek hi. Man Utd zo a Swiss team te Champions League Knock out stage a hong lut theih uh pen thupi in history khat cing hi.Tua Basel coach Heiko Vogel pen care taker hi peuh lel hi.Hi banga united zo a knockout stage hong lut uh pen Fairy tale mah mah hi. Basel makai ten Heiko Vogel pen Manager ngeina dingin a zat uh lam et huai hi.